Како и секое моорно возило, Ski-Doo ќе се покаже во вистинско светло доколку се грижите и добро го подготвите за складирање. Корозијата, изложеноста на сончева светлина и застоеното гориво се главните точки за загриженост. Поголем дел од возачите на моторни санки имаат потреба од одредено време за да ја исчистат машината, да ги откријат точките за сервисирање и машината да биде спремна за следно возење. За складирање треба да се подготви и самиот мотор на моторната санка, кај 4 тактните санки е потребно да се сменат масло и филри се со цел отстранување на загадувачите и спречување на корозија.Двотактните санки со погон имаат електронска процедура која се изведува преку контролната табла која доставува дополнително масло во моторот за периодот на складирање за да се обложат внатрешните делови на моторот за да се спречи корозија. Оваа брза и лесна процедура е детално опишана во прирачникот за сопственици.
Идеално санките треба да се чуваат во затворен простор, како гаражи за да се избегнат екстремни температури и влажност, но санките можат да се чуваат и надвор, но истите треба да се покриени за да се заштитат од сонце, ветар и дожд - затворена приколка е одлично решение за складирање. Како и секој вид на опрема, најдобро е да се заштити од UV зрачењето на сонцето, бидејќи зрачењето полека но сигурно ги разградува материјалите. Подигнувањето на гусеницата од подлогата е корисно за одржување на врвовите на шипките на гусеницата, исто така потребно е и подмачкување на сите клучни точки за да се спречи корозија на поврзувачките делови.
