Më 28 maj 2025, rreth 150 adhurues të aventurës u mblodhën në Badovc, një vend i qetë dhe piktoresk pranë Prishtinës, për të përjetuar një ditë të mbushur me emocione, liri dhe eksplorim. E rrethuar nga peizazhe të gjelbra dhe liqeni mahnitës, kjo ngjarje solli bashkë njerëz me të njëjtin pasion: dëshirën për të sfiduar terrenet dhe për të shijuar natyrën në mënyrën më të gjallë të mundshme.

Pjesëmarrësit patën mundësinë të testojnë modelet më të reja Can-Am, duke përjetuar nga afër ndjesinë e kontrollit, fuqisë dhe lirisë që këto mjete ofrojnë. Shtegtimi nëpër shtigje, ngjitjet e pjerrëta dhe ndalesat me pamje mahnitëse krijuan një përvojë të plotë dhe të paharrueshme për secilin pjesëmarrës.

Atmosfera ishte e mbushur me energji pozitive, të qeshura. Përveç aventurës, nuk munguan as momentet e këndshme sociale, me ushqim të shijshëm, biseda miqësore! Të ftuarit ndanë histori, përvoja dhe plane për aventurat e radhës duke forcuar edhe më shumë ndjenjën e komunitetit që po zgjerohet dita ditës.

Ky event në Badovc nuk ishte vetëm një ditë testimi, por një përjetim i plotë një ditë ku natyra, njerëzit dhe pasioni për lirinë në lëvizje u bashkuan në mënyrën më të natyrshme dhe të paharrueshme.