Kristján Einar og Guðni Freyr sigra Can-Am Hill Rally 2023
Maverick X3 bílar í efstu tvem sætunum.
BRP-Ellingsen liðið, skipað þeim Kristjáni Einari Kristjánssyni og Guðna Frey Ómarssyni, sigraði Can-Am Iceland Hill Rally 2023 sem fór fram dagana 11.-13. ágúst 2023.
CanAm Iceland Hill Rally er þriggja daga þolakstursrally sem fer fram á sérleiðum, mest megnis á hálendi Íslands. Rúmlega 400 kílómetra leið. Rallið er sérstaklega ætlað jeppum og buggý bílum.
Heildartími Kristjáns Einars og Guðna á Maverick X3 XRC Turbo RR bílnum var fimm klukkustundir og rúmar fjórar mínútur og var heildartími þeirra rúmlega tuttugu mínútum skemmri heldur en liðinu í öðru sæti sem var skipað þeim Sighvati Sigurðssyni og Leó Róbertssyni, einnig á Can-Am Maverick X3.
18 bílar tóku þátt í Can-Am Hill Rallý þetta árið og segir það margt um hve krefjandi þessi keppni er að engöngu 9 bílar kláruðu.
Rallið hófst á föstudegi á sérleiðu, í grennd við akstursíþróttasvæði Kvartmíluklúbbsins í Hafnarfirði.
Á öðrum degi var haldið í átt að Lyngdalsheiði og Kaldadal, þar sem keyrðar voru ímsar sérleiðir sunnan Langjökuls, frá Kaldadal í átt að Gullfossi.
Lokadagurinn fór svo fram á sérleiðum á Fjallabaki. Keyrðar voru þekktar leiðir svo sem Dómadal og Keldnahaun.
BRP-Ellingsen og Can-Am eru styrktaraðilar Hill Rally Iceland, skipuleggjanda Hill Rally.
