Crossover თოვლმავლები

Ski-Doo-ს Crossover თოვლმავლები შეუდარებელია როგორც გაუკვალავ, ისე ღრმა თოვლით დაფარულ გზებზე. Ski-Doo-ს გაუკვალავი გზებისთვის და ღრმა თოვლისთვის განკუთვნილი ციგების საუკეთესო მახასიათებლების შერწყმით ინჟინრებმა შექმნეს კროსოვერ სერიის თოვლმავლები, რომლებიც უზრუნველყოფს საიმედოობას გაუკვალავ და ღრმა თოვლში გადაადგილებისას და გთავაზობთ ექსტრემალური გამოცდილების მიღების შესაძლებლობას რთულ რელიეფზე მოძრაობისას.

სხვადასხვა ტიპის თოვლმავლებს სხვადასხვანაირი დასაჯდომი ადგილები, ამძრავი სისტემები და ძრავები აქვს. ჩვეულებრივ, გაუკვალავი გზებისთვის განკუთვნილი თოვლმავლების უფრო ფართო დიზაინის მოდელები აუმჯობესებს სტაბილურობას და ამარტივებს მოხვევას როგორც სწორ, ისე დაკლაკნილ ბილიკებზე. მათი მუხლუხები უფრო მოკლეა, რაც იძლევა ვიწრო მოსახვევებში მაღალი სიჩქარით შესვლის საშუალებას. ღრმა თოვლისთვის განკუთვნილი თოვლმავლები უფრო შორ მანძილზე გადაადგილდება, უზრუნველყოფს გამავლობას ღრმა, ფხვიერ თოვლში და თხელი და კომპაქტური დიზაინის წყალობით იძლევა რთულ რელიეფურ პირობებში მარტივად მანევრირების საშუალებას. კროსოვერ თოვლმავლებში ეს მახასიათებლები გაერთიანებულია და მძღოლებს შეუძლიათ ისიამოვნონ საოცარი თავგადასავლებით როგორც გაკვალულ გზებზე, ისე რთულ რელიეფზე.

კროსოვერ თოვლმავლები იდეალურად ართმევს თავს როგორც სწორ, გაკვალულ გზებს, ისე ღრმა თოვლით დაფარულ გაუკვალავ ბილიკებს. თუმცა მნიშვნელოვანია გაითვალისწინოთ, რომ გარკვეულ ადგილებში თოვლმავლით გადაადგილება შესაძლოა აკრძალული იყოს. ღრმა თოვლით დაფარულ ველზე მისვლა რამდენიმე გზით შეიძლება. ხშირ შემთხვევაში ამისათვის დათოვლილ ბილიკს უნდა გაუყვეთ. საჯარო საკუთრებაში არსებული ტერიტორიები, მათ შორის ეროვნული ტყეები და სახელმწიფოს მიერ მართული სხვა ტერიტორიები საოცარი თავგადასავლების შექმნის საშუალებას გაძლევთ. ყოველთვის შეამოწმეთ, დაშვებულია თუ არა თოვლმავლით გადაადგილება იმ ადგილას, სადაც გსურთ წასვლა. თუ დარწმუნებული არ ხართ, მიმართეთ ადგილობრივ კლუბს ან გარემოს დაცვის ორგანიზაციებს.